اسلام آباد – 25 – آڪٽوبر (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته وزيراعظم شهباز شريف سينيئر صحافي ارشد شريف جي مارجي وڃڻ جي معاملي جي جاچ ڪرائڻ جو فيصلو ڪيو آهي. پنهنجي بيان ۾ وفاقي وزير مريم اورنگزيب چيو ته وزيراعظم هاءِ ڪورٽ جي جج جي سربراهي ۾ جوڊيشل انڪوائري ڪرائڻ جو فيصلو ڪيو آهي. وزيراعظم اهو فيصلو مرحوم ارشد شريف جي مارجي وڃڻ جي اصل حقيقتن جي تعين جي لاءِ ڪيو آهي.
