اسلام آباد – 28 – جون (اي پي پي) وزيراعظم شهباز شريف جسٽس صفدر علي شاهه مرحوم جي بيواهه ۽ اسلام آباد هاءِ ڪورٽ جي چيف جسٽس اطهر من الله جي سَسُ جي لاڏاڻي تي گهري ڏک ۽ افسوس جو اظهار ڪيو آهي. پنهنجي تعزيتي پيغام ۾ وزيراعظم پونئيرن سان همدردي جو اظهار ڪندي دعا ڪئي ته الله تعاليٰ مرحومه کي جنت الفردوس ۾ اعليٰ مقام ۽ پونئيرن کي صبر جميل عطا فرمائي. هن چيو ته والده جهڙي شفيق هستيءَ جو لاڏاڻو هڪ وڏو صدمو آهي ۽ اسان سوڳوار خاندان جي ڏک ۾ شريڪ آهيون.
