اسلام آباد 05 ستمبر(اے پي پي) لنډمهاله وزيراعظم انوار الحق کاکړ د قاچاق مخنيوي لپاره كسټمز چارواكو ته په غېر منظم پوله ايزو سيمو د نظام جوړولو امر كړے دے۔ د وزيراعظم آفس ميډيا ونګ لخوا د جاري بيان له مخې ده دا امر د نهې په ورځ د تجارت وزارت لخوا په شوې بريفنګ كښې وكړو۔ وزيراعظم د بريفنګ په مهال د هېواد برآمدات زياتولو لپاره د بېلا بېلو موجوزه لائحو په اړه خبر كړے شو٬ په بريفنګ كښې د تجارت وزارت لخوا په هېواد كښې د قاچاق مخنيوي لپاره ممكنه لائحې وړاندې كړې شوې او د تجارت د سامان بهتر سکېننګ او د معائنې استعداد بهترۍ لپاره تجويزونه هم وړاندې كړې شول۔ په بريفنګ كښې د افغانستان ټرانزټ ټرېډ ايګريمنټ له مخې د تجارت د بېلا بېلو اړخونو جاج هم واخستې شو۔ په دې موقع په هېواد كښې د قاچاق مخنيوي او د قانوني لارو څخه تجارت ته وده وركولو لپاره په يو شمېر اقداماتو غور وشو۔ وزيراعظم په هېواد كښې د قاچاق مخنيوي لپاره د كسټمز چارواكو ته په غېر منظم پوله ايزو سيمو د نظام جوړولو امر هم وكړو۔
