اسلام آباد 14 اګست (اے پي پي) د قومي اسمبلۍ غونډه به د يوې ورځې دمې نه پس ﴿نن﴾ د شورو په ورځ بيا پېل كېږي۔ غونډه به د قومي اسمبلۍ سپيكر سردار اياز صادق په مشرې كښې سهار په لس بجې كېږي چې پكښې به د سپيكر او دوهم سپيكر ټاكنه كولې شي۔ د سپيكر چوكې لپاره د تحريك انصاف لخوا اسد قېصر كانديد دے او د اپوزيشن لخوا سيد خورشيد شاه كاغذونه جمع كړي دي۔ د دوهم سپيكر چوكې لپاره د تحريك انصاف كانديد قاسم سوري او د اپوزيشن كانديد مولانا اسعد محمود دے۔ د نوي سپيكر او دوهم سپيكر ټاكنه به د خفيه ووټنګ د لارې كېږي۔
