اسلام آباد – 28 – جون (اي پي پي) اطلاعات ۽ نشريات واري وفاقي وزير مريم اورنگزيب جسٽس صفدر علي شاهه مرحوم جي بيواهه ۽ اسلام آباد هاءِ ڪورٽ جي چيف جسٽس اطهر من الله جي سَسُ جي لاڏاڻي تي گهري ڏک ۽ افسوس جو اظهار ڪيو آهي. پنهنجي تعزيتي بيان ۾ اطلاعات واري وفاقي وزير مرحومه جي گهروارن سان همدردي جو اظهار ڪندي چيو ته ڏک جي هن گهڙيءَ ۾ ڏکويل خاندان سان گڏ آهيون. هن دعا ڪئي ته الله تعاليٰ مرحومه کي جنت ۾ الفردوس ۾ اعليٰ مقام ۽ پونئيرن کي صبر جميل عطا فرمائي.
