اسلام آباد – 22 – آگسٽ (اي پي پي) نگران پرڏيهي وزير جليل عباس جيلاني سان يورپي يونين جي سفير ڊاڪٽر رينا ڪيونڪا ملاقات ڪئي. پرڏيهي آفيس موجب ملاقات ۾ پاڪستان ۽ يورپي يونين لاڳاپن سميت ڪيترن ئي اداراجاتي مڪينزم جي ذريعي ٿيندڙ اڳڀرائي تي خيالن جي ڏي وٺ ڪئي وئي. هن ان ڳالهه تي اتفاق ڪيو ته جي ايس پي پلس هڪ گڏيل فائديمند اسڪيم آهي. ملاقات ۾ گڏيل دلچسپي جي سمورن شعبن ۾تعاون کي وڌيڪ وڌائڻ جي عزم جو ورجاءُ ڪيو ويو.
