اسلام آباد – 03 – مئي (اي پي پي) وزيراعظم محمد شهباز شريف چنڊ تي پاڪستان جو پهريون سيٽلائيٽ موڪلڻ جا منظر سڌوسنئون پاڪستان ٽيليويزن تي ڏٺا ۽ خوشي جو اظهار ڪيو. وزيراعظم آفيس جي ميڊيا ونگ پاران جاري بيان موجب وزيراعظم شهباز شريف تي چنڊ تي پاڪستان جو پهريون سيٽلائيٽ موڪلڻ تي قوم ۽ سائنسدانن کي مبارڪباد ڏني آهي. وزيراعظم سيٽلائيٽ جي لانچنگ کي پاڪستان ٽيليويزن تي سڌوسنئون ڏٺو. وزيراعظم لانچنگ جا منظر سڌوسنئون ٽيليويزن تي ڏسي خوشي جو اظهار ڪيو ۽ پاڪستان جي چنڊ تي سيٽلائيٽ موڪليندڙ ملڪن جي فهرست ۾ شامل ٿيڻ تي خوشي جو اظهار ڪيو.
