انقره – 01 – جون (اي پي پي) وزيراعظم شهباز شريف جي مان ۾ ترڪ ايوان صدر ۾ باضابطا آجياڻي واري تقريب ٿي. وزيراعظم جيڪو ترڪيءَ جي ٽن ڏينهن جي سرڪاري دوري تي آهي، صدارتي محل پهچڻ تي ترڪ صدر رجب طيب اردوان سندس انتهائي والهاڻو استقبال ڪيو. ان موقعي تي پاڪستان ۽ ترڪيءَ جا قومي ترانا وڄايا ويا ۽ وزيراعظم کي گارڊ آف آرنر پيش ڪيو ويو. ترڪ صدر رجب طيب اردوان ۽ وزيراعظم محمد شهباز شريف پنهنجي پنهنجي وفدن جي ميمبرن جو تعارف ڪرايو. ان کانپوءِ ٻنهي اڳواڻن جي وچ ۾ صدارتي محل ۾ ملاقات شروع ٿي.
