اسلام آباد – 21 – مارچ (اي پي پي) اطلاعات ۽ نشريات واري مملڪتي وزير فرخ حبيب چيو آهي ته اسلامي تعاون تنظيم جي پرڏيهي وزيرن جي ڪائونسل جو اهم ترين ۽ تاريخي اجلاس منعقد ٿيڻ وڃي رهيو آهي، وزيراعظم عمران خان اسلامو فوبيا جي خلاف جنگ وڙهي ۽ گڏيل قومن اسلامو فوبيا جي قرارداد منظور ڪئي. اهڙن خيالن جو اظهار مملڪتي وزير فرخ حيبب او آءِ سي جي سيڪريٽري جنرل ابراهيم طحهٰ ۽ اسلامڪ ڊولپمينٽ بئنڪ جي صدر ڊاڪٽر محمد سلمان الجاسر جو استقبال ڪندي ڪيو. ان موقعي تي وزيراعظم جو بين المذاهب هم آهنگي بابت خاص نمائندو علامه طاهر محمود اشرفي به موجود هو.
