اسلام آباد – 12 – آڪٽوبر (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته الحمدالله شهباز شريف ۽ حمزه شهباز بدترين سياسي انتقام جي باوجود سرخرو ٿيا، انهن ئي الزامن تي برطانيا جي نيشنل ڪرائيم ايجنسي ٻه سال جي جاچ کانپوءِ شهباز شريف کي آزاد ڪري ڇڏيو هو. ڪوڙا سياسي ڪيس ٺاهيندڙن کي بيان نه پر شرم سان ٻڏي مرڻ گهرجي. پنهنجي هڪ ٽوئيٽ ۾ هن چيو ته روڄ راڙو ڪيو، پٽيو يا رڙيون ڪيو بريت جو فيصلو اچي چڪو آهي.
