اسلام آباد – 01 – جون (اي پي پي) وزيراعظم محمد شهباز شريف سان پاڪ ترڪ بزنس ڪائونسل ۾ شامل ترڪ سيڙپڪارن جي وفد انقره ۾ ملاقات ڪئي. پرڏيهي وزير بلاول ڀٽو زرداري سميت پاڪستاني وفد جا ميمبر وزيراعظم سان گڏ هئا. پرڏيهي آفيس جي ترجمان پاران جاري ڪيل بيان موجب وفد جي قيادت ترڪي جي پرڏيهي وزير ميولود چائوش اولو ڪئي. پاڪ ترڪ بزنس ڪائونسل جي وفد جي ملاقات ۾ پاڪستان ۽ ترڪي جي واپاري لاڳاپن کي فروغ ڏيڻ تي ڳالهه ٻولهه ڪئي وئي.
