اسلام آباد – 17 – آگسٽ (اي پي پي) اطلاعات واري نگران وفاقي وزير مرتضيٰ سولنگي متحده قومي موومينٽ پاڪستان جي اڳواڻ ڪنور نويد جميل جي لاڏاڻي تي گهري ڏک ۽ افسوس جو اظهار ڪيو آهي. پنهنجي تعزيتي بيان ۾ اطلاعات واري نگران وفاقي وزير مرحوم جي گهرڀاتين سان تعزيت جو اظهار ڪيو. هن چيو ته ڪنور نويد جميل جي لاڏاڻي جي خبر ٻڌي دلي افسوس ٿيو. هن دعا ڪئي ته الله تعاليٰ مرحوم کي جنت الفردوس ۾ اعليٰ مقام ۽ پونئيرن کي صبر جميل عطا فرمائي.
