اسلام آباد۔19اپریل(اے پی پی) قومی اتے صوبائی اسمبلیاں دے 23 حلقیں اچ ضمنی انتخابات 21 اپریل کوں تھیسن ۔ قومی اسمبلی دی 6، پنجاب اسمبلی دی 12، خیبرپختونخوا اسمبلی دی 2، سندھ اسمبلی دی ھک اتے بلوچستان اسمبلی دی 2 نشستاں تے ضمنی انتخابات تھیسن۔ الیکشن کمیشن آف پاکستان (ای سی پی) دے عہدیدار آکھیے21 اپریل کوں تھیوݨ آلے آندے ضمنی انتخابات اچ قومی اتے صوبائی ݙوہیں اسمبلیاں دی 23 خالی نشستاں سانڳے کل 239 امیدوار میدان اچ ہن ۔ ای سی پی دے ھک عہدیدار ݙسایا جو ضمنی انتخابات اچ کل 239 امیدوار حصہ گھنسن تے جنہاں اچوں 50 خالی تھیوݨ آلی قومی اسمبلی دی نشستاں سانڳے مقابلہ کریسن ۔ انہاں آکھیے قابل ذکر ڳالھ اے ہے جو خاتون اول آصفہ بھٹو زرداری پہلے ہی این اے 207 توں بلامقابلہ منتخب تھی چکئن ۔ انہاں آکھیے خیبرپختونخوا اسمبلی دی خالی نشستاں سانڳے کل 23 امیدوار میدان وچ ہن جݙاں جو پنجاب اچ 154 امیدوار اپݨی قسمت ازمیندے پئن ۔ سندھ اچ زبیر احمد جونیجو پی ایس۔80 توں بلامقابلہ اپݨی نشست ڳھدی ۔بلوچستان اسمبلی دی خالی نشستاں سانڳے 12امیدوار میدان وچ ہن ۔ انہاں آکھیے صوبائی الیکشن کمشنرز کوں ضروری انتخابی سامان ݙتا ڳئے ۔ ضلعی ریٹرننگ افسر تے ریٹرننگ افسرمقررہ انتخابی شیڈول موجب اپݨی ذمہ واریاں پوریاں کریندے پئن ۔13 مارچ کوں الیکشن کمیشن 23 قومی اتے صوبائی اسمبلیاں دی نشستاں تے ضمنی انتخابات دے شیڈول دا اعلان کیتا۔ انھاں انتخاباتاچ قومی اسمبلی دی 6، پنجاب اسمبلی دی 12نشستاں شامل ہن۔انہاں ݙسائے جو خیبرپختونخوا اسمبلی دی 2 نشستاں، سندھ اسمبلی دی ھک نشست اتے بلوچستان اسمبلی دی 2 نشستاں وی شامل ہن۔
