اسلام آباد 25 مارچ (اے پي پي) د ديامر بهاشا مهمند بند فنډ ته پاكستاني اولس او ادارو 8.64 ارب روپۍ او بهرني هېوادونو كښې مېشته پاكستانيانو 1.5 ارب روپۍ عطيه كړی۔ د سټېټ بانك آف پاكستان څخه جاري شوي شېمرو له مخې د تېرو 9 مياشتو په مهال بند فنډ كښې 10.11 ارب روپۍ جمع شوي دي۔پخواني چيف جسټس ميا ثاقب نثار تېر كال د جولائي په شپږمه نېټھ د بند فنډ جوړولو اعلان كړی وو چې د هغې نه وروستو وزيراعظم عمران خان هم ورسره شو او هغه هېواد د اوبو بحران څخه بچ كولو لپاره جوائنټ وينچر جوړ كړو۔ د مارچ تر 25مې نېټې بهرني هېوادونو كښې مېشته پاكستانيانو د بند جوړولو لپاره د جمع كړې شوي فنډ ټول رقم 15 فيصد جمع كړې۔ د تحريك انصاف لارښود سناتور فيصل جاوېد خان كوم چې دا مهال د بند فنډ په اړه د كاناډا په سركاري دوره دې۔په خپل ټوېټ كښې وئېلي دي چې د عمران خان د آټو ګراف بال بولي لاله عارف وړائچ په 35 زره ډالره او ملك حفيظ په 30 زره ډالره كښې ګټلې ده۔ كاناډا كښې 2 ملينه ډالره ډېم فنډ لپاره جمع كړې كړې شوي دي۔ پاكستان كښې بند فنډ لپاره عطيات د بانك چيكس٬ نقدو پيسو او د موبائل فون پیغاماتو د لارې جمع كړی شوي۔د پاكستان د څلور لويې فون سروسز كمپنو د اېس اېم اېس سروس د لارې 140 ملين روپۍ جمع شوي٬بهرني هېوادونو كښې مېشته پاكستانيانو خپلې عطيې د ډېبټ او كرېډېټ كارډز د لارې رالېږلې دي۔ امريكا كښې د مېشته پاكسانيانو لخوا 542 ملين او برېتانيه كښې مېشته پاكستانيانو لخوا 368 ملين روپۍ بند فنډ كښې جمع كړې شوي۔ د بند فنډ لپاره متحده عرب امارات٬ ،سعودی عرب، قطر، سوئټرز لینډ، ناروے، ترکي، جاپان، چین، سویډن، روس، برازیل، ملائیشیا، نیوزی لینډ، ساؤتھ افریقه، آذربائجان، تاجکستان، کرغزستان، آسټریا، برونائي، ډنمارک، نیدرلېنډ، بیلجیئم، فن لینډ، افغانستان، بنګله دیش، فجی، آئرلینډ، ساؤتھ کوریا، تھائي لینډ، عمان، اردن، مالدیپ، نائجیریا، پیرو او فلپائن كښې مېشته پاكستانيانو لخوا عطیات رالېږلې شوي دي
