اسلام آباد 14جون (اے پي پي) کابینه اقتصادی رابطه کمېټۍ (ای سی سی) پاکستان اېل این جی لمیټډ له د آذربائیجان سټیټ آئل کمپنۍ سره د فریم ورك لوظنامې كولو اجازه وركړې ده، ای سی سی د نجکارۍ کمېشن له د هېوی الیکټریکل کمپلیکس نجکارۍ عمل د روان كال تر 30جون بشپړولو سپارښتنه كړې ده۔د اقتصادی رابطه کمېټۍ غونډه د شورو په ورځ د خزاني وفاقي وزير سینیټر اسحاق ډار په مشرۍ كښې وشوه۔ په غونډه كښې وفاقی وزيرانو سید نوید قمر، خرم دستګیر خان، سید مرتضیٰ محمود، شاهد خاقان عباسی،وزیرمملکت ډاکټر عائشه غوث پاشا، وزیر مملکت مصدق ملك ، خاص مرستيال طارق باجوه، وفاقی سیکرټریز او نورو سینئر چارواكو ګډون وكړو۔په غونډه كښې د توان وزارت په سمرۍ د پاکستان ایل این جی لمیټډ او آذربائیجان سټیټ آئل کمپنی ترمينځه د لوظنامي د فریم ورك جاج واخستې شو۔ ای سی سی پاکستان ایل این جی لمیټډ له د آذربائیجان سټیټ آئل کمپنی سره د فرېم ورك لوظنامې كولو اجازه وركړه۔ ای سی سی د پټرولیم وزارت ته درې مياشتو ایډوانس كښې د ایل این جی حاجت پوره كولو جاج اخستلو سپارښتنه هم وكړه۔ په غونډه كښې د 6 ایوی ایشن سکواډرن بېلو ضرورتونو ترسره كولو په لړ كښې کابینه ډویژن لپاره د 404.76 ملیونه روپو تکنیکی ضمنی ګرانټ منظوری هم وركړه۔ په غونډه كښې د هیوی الیکټریکل کمپلیکس ملازمانو له د تنخاګانو وركولو په لړ كښې د صنعت او پیداوار وزارت ، بینك آف خیبر له مارک اپ وركولو او آپریټنګ خرڅونو لپاره د 157.73 ملیونه روپو اضافی فنډز منظوری هم وركړه۔ ای سی سی نجکارۍ کمېشن ته د هیوی الیکټریکل کمپلیکس نجکارۍ عمل د روان كال تر 30 جون بشپړولو سپارښتنه هم وكړه۔
