اسلام آباد۔17ستمبر(اے پی پی) د مذهبي چارو او بين المذاهب همغږۍ وفاقي وزير انيق احمد تيره ورځ د مسيحي کاتوليك كارډينل ډاكټر جوزف كوټس سره ليدلي۔ په ملاقات كښې په بېن المذاهب همغږۍ ، د پاكستان اقليتي ټولنې په خېر ښېګړه او د شريكې خوښې په چارو خبرې وشوې۔ د مذهبي چارو وفاقي وزير انيق احمد وويل د نړۍ هر مذهب د امن او ورورولۍ خبرې کوي۔ ټول انسانان پاك پروردګار ته ګران دي٬ مونږ مسلمانان سره وروڼه یؤ او غېر مسلم په انسانيت كښی د يو بل ملګري دي۔ ده ووئيل په پاکستان کښې د مذهبي کرکې خپرولو هڅې كوؤنكي دښمن څخه بايد ځان وساتلے شي٬ دوئي به په خپلو ناوړه ارادو كښې په ګډه ناكامه كوؤ۔ کارډېنل ډاکټر جوزف کوټس ملاقات له په راتللو د مذهبی چارو وزیر مننه كولو سره ووئيل د اقليتونو خېر ښېګړې په لړ كښې د حكومت پالېسۍ او رويه د ستائنې وړ ده۔ د جړانواله پېښې څخه وروستو حكومت په زړه پورې ګامونه پورته كړې دي۔ مسيحي ورونړا خپل حكومت او پاكستاني اولس سره اوږه په اوږه د هېواد پرمختګ او سوكالۍ لپاره فعاله هڅې كوي او دوئي ته د يو مستحكم پاكستان او مثالي ټولنې رامخې ته كولو كښی د هر ډول مرستې باور وركوي۔
