پېنډی ۔9 مارچ(اے پی پی) د پاك پوځ سرلښكر سيد عاصم منير رحيم يار خان ته نزدې په تربيتي سيمه فیلډ ایکسرسائز كښې د پوځي ډلو دوره او د پوځي مشق شمشير صحرا معائنه وكړه۔ د آئي اېس پي آر لخوا د خالي په ورځ د خپور شوي پرېس ريليز له مخې په دې موقعه د پاك پوځ سرلښكر ته د شمشير صحرا په اړه بريفنګ وركړے شو۔ د دې مشق مقصد په آپریشنل ماحول كښې د سباؤن د چېلنجونو مقابله كولو له پېشه ور مهارتونه او د جنګ په مېدان كښې تګلاره لا پياوړې كول دي۔ په مشق كښې د پاك فضائيه الوتكو هم برخه واخسته۔ د پاك پوځ سرلښكر د مشق په سيمه كښې پوځيانو سره ټول ورځ تېره كړه۔ د آئي اېس پي آر له مخې په مشق كښی ګډون كوؤنكو پوځي اهلكارو سره خپلو خبرو كښې د پاك پوځ سرلښكر د تربیتی معیاراتو ، آپریشنلز تیاریانو او د هر يو رېنك د اعلی حوصلې ستائنه وكړه۔ ده په دې خبره زور راوړو چې وسله وال ځواك دې د دښمن د كومې هم مهم جويۍ ځواب كولو له هر وخت چمتو وسي۔ د پاك پوځ سرلښكر دې نتيجې ته ورسېد چې د پاكستان وسله وال ځواك د اولس په ملاتړ د خپل هېواد د سيمه ايزې سلامتيا او خپلواكۍ دفاع كولو له په بشپړ ډول چمتو دے۔ دې څخه وړاندې چې څه وخت د پاك پوځ سرلښكر فیلډ ایریا ته ورسېد نو كور كمانډر (كراچي) او انسپکټر جنرل ټرېننګ اېنډ ایلویلیوایشن ده ته هركلے ووے۔
