لاہور۔28جون(اے پی پی)وزیر اعلیٰ پنجاب مریم نواز آکھیے جو پنجاب دا بجٹ الفاظ دا ہیر پھیر نئیں، اٹے دا مل ڳھٹیے، 30 ارب روپے دا رمضان پیکج ݙتے، معذور لوکاں کیتے حکومت پنجاب پہلی واری ہمت کارڈ جاری کریندی پئی اے، بے گھر لوکاں کیتے” اپݨی چھت، اپݨا گھر” منصوبہ شروع کریندے پئے ہیں، ناجائز منافع خوری اتے قیمتاں تے قابو پاوݨ کیتے انفورسمنٹ اتھارٹی ٻݨائی ویسی۔ اے ڳالھ انہاں حکومت دے 100 ݙینھ مکمل تھیوݨ تے ایوان اچ خطاب کریندے آکھی۔ انہاں اپݨی حکومت دی 10 ݙینھ دی کاکردگی ڳݨوائی اتے اکھیے جو مالی سال 2024-25 دا بجٹ پنجاب دی تاریخ دا سب توں وݙا بجٹ اے جیندے توں عوام ہی نئیں اپوزیشن وی خوش تھیسی، اے حکومت ہک چیلنج سمڄھ تے سنٻھالی اے، کوشش اے جو صوبے اچ نواز شریف اتے شہباز شریف ڄھیں وز??اء اعلی دی پرفا??من?? کوں اڳونہا کراں، نویں نسال دا نمائندہ ہوندے میں گورننس نظام اچ جدت ڳھن آوݨی اے، سو ݙینھ او وعدے پورے کر ݙتن جیڑھے عوام نال کیتے ہن، آئی پول سروے اچ پنجاب دے لوکاں ساݙی حکومت دی حمایت کیتی اے جیندے بعد عوام دی خدمت دا نواں جذبہ اتے حوصلہ ملیے، پنجاب حکومت 100 فیصد کیش بیک منصوبے شروع کیتن، اپݨے وعدے ہکے سال پورے کر ݙکھیساں، تاریخ اچ جتنا پیسہ صحت اتے تعلیم تے لیندے پئے ہیں ایندی مثال نئیں ملدی، سرکاری ہسپتالاں اچ ول دوایاں ملݨ لڳ ڳن، اساں اتے دے فیصلیاں نال براہ راست قو??ی سطح تے مہنگائی دی شرح ڳھٹی اے، لوکاں کوں پٹرول اتے ݙیزل دے ملھ اچ کمی دا فیدہ ملیے۔ انہاں آکھیا جو اقتدار قو?? دی امانت اے جیندے اچ خیا??ت نا کریساں اتے عوام دی خدمت دا جذبے نال کم جاری رکھیا ویسی۔(MJM-DSK)
.jpg)
