اسلام آباد۔10جون (اے پی پی) وفاقی وزیر خزانہ تے محصولات سینیٹر اسحاق ڈار آکھیا جو معیشت دی بحالی دے بعد معیشت کوں نمو آلے پاسے ڳھن تے ونڄݨے اتے پاکستان کوں ہݨ معاشی قوت ٻݨاوݨے، ترقیاتی کماں نال ملک اچ معیشت دا پھیتا چلسی اتے لوکاں کوں روزگار ملسی۔ پاکستان کوں ایٹمی طاقت دے بعد ہݨ معاشی قوت ٻݨاوݨے۔ اوکھے معاشی فیصلیاں دے ذریعے گراوٹ دا عمل رک ڳے اتے معیشت دی بحالی دے بعد ہݨ اساں معیشت کوں نمو آلے پاسے ڳھن تے ونڄݨے اتے اینکوں ولا دنیا دی 24 ویں وݙی معیشت ٻݨاوݨے۔ چھݨ چھݨ کوں پوسٹ بجٹ کانفرنس توں خطاب کریندیں ہوئیں وفاقی وزیر خزانہ آکھیا جو معاشی ترقی اتے بجٹ دے سارے اہداف قابل حصول اتے عملی ہن۔ پاکستان کوں ایٹمی طاقت دے بعد ہݨ معاشی قوت ٻݨاوݨے۔ انہاں آکھیا جو ملک دی ترقی دا پھیتا چلسی تاں ترقی تھیسی۔ اتحادی حکومت پہلی واری سالانہ ترقیاتی پروگرام کوں 1150 ارب روپے تئیں ودھا ݙتے، ایندے اچ 491 ارب روپے بنیادی ڈھانچے کیتے رکھیے ڳن۔ چھݨ چھݨ کوں پوسٹ بجٹ کانفرنس توں خطاب کریندیں ہوئیں انہاں آکھیا جو سماجی بہبود، تعلیم، ایس ڈی جیز، پاݨی، فزیکل پلاننگ سودھے اہم شعبیاں کیتے فنڈز رکھین، سابق فاٹا کیتے 61 ارب روپے رکھیے ڳن۔ اساݙا بنیادی مقصد 2017 دے معاشی اشاریاں کوں ولا حاصل کرݨ اے، تنخواہیں اچ ودھارا بنیادی تنخواہ تے ایڈہاک ریلیف دی صورت اچ ݙتا ویسی، پیٹرولیم ڈویلپمنٹ لیوی دی شرح اچ ودھارے دا کوئی ارادہ کائنی۔ پاکستان دیوالیہ کائنا تھیسی، بجلی دے شعبیاں اچ اصلاحات کیتے کوشش کریندے پیوں، ہر سال ہک ہزار ارب روپے دی سبسڈی نی جھل سڳدے۔ اے ڳالھیں چھݨ چھݨ کوں پوسٹ بجٹ پریس کانفرنس توں خطاب کریندیں ہوئیں آکھی۔ وزیر مملکت برائے خزانہ ڈاکٹر عائشہ غوث پاشا، سیکرٹری خزانہ، چیئرمین ایف بی آر اتے ٻے سینئر عہدیدار وی موجود ہن۔ وزیرخزانہ آکھیا جو بجٹ منظور تھیوݨ دے بعد عمومی طور ایف بی آر دی ݙو کمیٹیاں ٻݨیندی اے ایندے اچ ہک تجارتی اتے ہک تکنیکی کمیٹی شامل ہوندی اے۔ چیئرمین ایف بی آر اڄ ایندی منظوری ڳھنسن اتے اے کمیٹیاں بجٹ دی منظوری تئیں کم کریسن۔ وزیرخزانہ آکھیا جو ایں سال معاشی ترقی دا ہدف 3.5 فیصد رکھیا ڳے۔ مجموعی محصولات 12163 ارب روپے ہن جئیں اچ 9200 ارب روپے ایف بی آر اتے 2963 ارب روپے نان ٹیکس ریونیو دی مد اچ ملسن۔ فیڈرل ریونیو دا مجموعی حجم 14463 ارب روپے اے جئیں اچ 7301 ارب روپے مارک اپ دے شامل ہن، دفاع کیتے 1804 ارب روپے رکھیے ڳن، پنشن دی مد اچ 761 ارب روپے اتے جاری اخراجات 714 ارب روپے ہن۔ وفاقی حکومت دا مجموعی خسارہ7573 ارب روپے ہوسی، خسارہ 9 فیصد توں ڳھٹ تھی تے 7 فیصد دی شرح تے آڳے۔ پرائمری بیلنس 380 ملین ڈالر اے جیڑھا جی ڈی پی دا 0.4 فیصد ٻݨدے۔ مجموعی جی ڈی پی 105 ٹریلین روپے دا ہوسی۔ میکوں یقین اے جو اگر پی ایس ڈی پی تے صحیح عمل تھیا تاں اتے صوبے وی ایندے اچ حقیقی بنیاداں تے عمل کریسن تاں 3.5 فیصد شرح نمو دا ہدف ڳھنسوں۔ وزیر خزانہ آکھیا جو افراط زر دی شرح 21 فیصد متوقع اے ، جی ڈی پی دے تناسب نال محصولات دی شرح 8.7 فیصد، خسارے دی شرح 6.5 فیصد اتے پرائمری بیلنس 0.4 فیصد اے۔وزیرخزانہ آکھیا جو وزیراعظم شہباز شریف دی حکومت 2 ہزار ارب توں ودھ دا کسان پیکیج ݙتے ۔ پنڄاہ زہار زرعی ٹیوب ویلز کوں شمسی توانائی تے کریندے پیوں اتے ایں کیتے بجٹ اچ 30 ارب روپے رکھیے ڳن۔ یوتھ کسان پیکیج دے تحت 10 ملین تئیں قرضے ݙتے ویسن۔ وزیرخزانہ آکھیا جو چھوٹے اتے وچلے درمیانے دے کاروبار معیشت دی ترقی اچ ریڑھ دی ہڈی دی حیثیت رکھیندے۔ انہاں آکھیا جوپنڄاہ ہزار ڈالرسالانہ زرمبادلہ، بینکنگ چینل توں ٻھجواوݨ آلے سمندرپار پاکستانیاں کوں ممنوعہ طور دا لائسنس ݙیوݨ دے نال نال سفارت خانیاں اچ خصوصی رسائی دی سہولت اتے ملک آمد تے ہوائی اڈیاں تے سہولتاں ݙتی ویسن۔ وزیر خزانہ آکھیا جو بینظیرانکم سپورٹ پروگرام دا بجٹ 450 ارب روپے تئیں ودھا ݙتا ڳے، اٹے، گھیو دالیں اتے چاول تے ہدف زرتلافی دا سلسلہ جاری اے۔ بینظیر انکم سپورٹ پروگرام دے سکور کوں 32 توں ودھا تے 40 پوائنٹ تئیں کرݨ تے غور کریندے پیوںَ انہاں آکھیا جو حکومت سرکاری ملازماں کوں ریلیف کیتے گریڈ ہک توں 16 تئیں ملازماں دی تنخواہیں اچ 35 فیصد، گریڈ 17 توں 22 تئیں دے ملازمین دی 30 فیصد اتے پنشنرز دی پنشن اچ 17.5 فیصد ودھارا کیتا ڳے۔ اے ودھارا بنیادی تنخواہ تے ایڈہاک ریلیف دی صورت ݙتا ویسی۔ انہاں آکھیا جو پیرس کلب دے تحت حاصل قرضیاں دی ادائیگی ویلھے تے کریسوں، سعودی عرب اتے ٻے ملکاں تصدیق کیتی اے جو انہاں توں ترائے ارب ڈالر مل ویسن۔ آئی ایم ایف توں 90 ریویو بارے امید اے جو اے ریویو مل ویسی۔ اساں ایں کیتے اوکھی اصلاحات کیتن، عوام تے ٻوجھ پاتے۔ انہاں آکھیا جو ملکی قرضیآں کوں ری شیڈول کرݨ دی کوئی لوڑھ کائنی۔
.jpg)
.jpg)
