اسلام آباد – 10 فيبروري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته وزيراعظم دبئي ۾ منعقد ٿيندڙ سالياني عالمي اجلاس ورلڊ گورنمينٽ سمٽ کانپوءِ آءِ ايم ايف جي سربراهه سان ملاقات ڪندو. برطانوي خابرو ايجنسي سان ڳالهائيندي وفاقي وزير چيو ته پاڪستان ڪنهن متفقه بيل آئوٽ پئڪيج جو خواهشمند آهي، اهڙيون شرطون نه ٿو چاهي جن سان پاڪستان جي واڌويجهه جي شرح کي نقصان پهچي. آءِ ايم ايف سان مسئلو ڊيل جو نه پر ڊيل بابت شرطن جو آهي.
