ګلګت۔ 26 مئی (اے پی پی) د ګلګت بلتستان نړيوال حېثيت او د كشمير مسئلې په تناظر كښې د سيمې په اړه اوسنې ګوررننس آرډر 2018 يو مهم پېشرفت دے۔ ډرافت تيارونكي او په دې كار كوؤنكي ټول كسان د مباركۍ مستحق دي۔ احتجاج كوؤنكي د شمېر څو كسان دي اولس دې احتجاج سره هېڅ تعلق نه لري۔ددې خيالاتو څرګندونه نوموړي سياسي او سماجي لارښود حاجی عبدالعزیز اے پی پی سره خبرو كښې وكړه۔ ده ووئيل مجوزه ګوررننس آرډر 2018 ګلګت بلتستان لپاره يو مهم پېشرفت دے۔ 70 كاله وروستو مونږ هغه دائره كښې راغلې يوو كومه چې د پاكستاني شهريت برابر ده۔ د پاكستان مسلم ليګ لارښود حاجي قاسم اے پي پي سره خبرو كښې ووئيل د ملګرو ملتونو په قراردادونو كښې كشمير سره د تړلې كېدو په سوب ګلګت بلتستان يو بېل انتظامي يونټ يا صوبه جوړېدې نه شي ځكه د ګورننس آرډر 2018 اجراء سيمې لپاره ډېره مهمه ده
