اسلام آباد 03 اګست (اے پی پی) د اطلاعات او خپرونو وفاقي وزير بېرسټر علي ظفر وئېلي دي د الېكشن كمېشن چارواكو باور راكړې چې هغوي به خپلې ټولې چارې د 11 نه تر 14 اګست بشپړې كړي٬د الېكشن كمېشن د كار بشپړېدو نه پس به د 13 نه تر 14 اګست د قامي اسمبلۍ غونډه رابللې شي٬د آئين له مخې د ټاكنو نتيجو اعلان نه پس 21 ورځو كښې دننه د قامي اسمبلۍ غونډه رابلل لازمي دي٬ د اګست تر 15مې نېټې د قامي اسمبلۍ غونډه راغوښتل آئيني تقاضا ده٬ د سپيكر او دوهم سپيكر د ټاكنې نه وروستو د حكومتي ډلې مشر ټاكنه او د وزيراعظم سوګند پورته كولو نه پس به لنډ مهاله حكومت د آئين خود كاره نظام ترمخه رخصت شي٬ لنډ مهاله حكومت خپله ټاكلې آئيني موده كشې د توان٬روغتياةمعيشت٬قانون٬خارجه چارو٬پیټروليم او د اوبو مسئلو پشمول هره څانګه كښې د پیښو چېلنجونو او د دغې لرې كولو په اړه ګائيډ لائنز جوړ كړې كوم به چې ټاكلي حكومت ته سپارلې شي دغسې چې د ستونزو په ښه ډول مخ نيوې وكړی شي۔هغه د جمعې په ورځ د آركائيوز دورې نه وروستو د سركاري ابلاغ ذريعو سره خبرې كولې۔وفاقي وزير ووئيل د آئين او ټاكنو ايكټ 2017 له مخې د الېكشن كمېشن 7 ذمه وارۍ دي كومو كښې چې د ټولو نه وړومبنې ذمه واري الېكشن نتيجې مرتب كول او د دې نه پس د كاميابو كانديدانو نوټيفيكېشن جاري كول٬د نوټيفيكېشن نه وروستو په لسو ورځو كښې دننه د كانديدانو د ټاكنو ګوشوارې ترلاسه كول٬آزاد كانديدانو ته په كوم هم ګوند كښې د شاملولو لپاره وخت وركول٬د ګوند لسټونه جاري كول٬د مېرمنو او اقليتونو لپاره د خاص چوكو اجرا كول دي۔ ده ووئېل د الېكشن كمېشن لخوا د نوټيفيكېشن اجرا كولو سمدستي وروستو د قامي اسمبلۍ غونډه به رابللې شي
