اسلام آباد 01 ستمبر (اے پي پي) وزيراعظم عمران خان وئيلي دي چې بايد د پنجاب حكومت كاركردګي نورو صوبو لپاره مثالي وي٬ په پنجاب كښې د كرپشن خاتمه تر ټولو لوي چېلنج دے٬ د كابينې غړي دې كرپشن په ګوته كول خپل وړومبې ترجيح جوړولو سره د كرپټ عناصرو په ضد سخته كارروائي وكړي٬ د كابينې غړي دې غېر ضروري اخراجات كمولو سره نورو لپاره مثال جوړ كړي۔ د خالي په ورځ په لاهور كښې په وزيراعلٰي سېكرټرېټ كښې د بنجاب صوبائي كابينې غړو سره د ملاقات په مهال په خپلو خبرو كښې وزيراعظم عمران خان د صوبائي كابينې غړو ته د هغوي د چوكو په سنبالولو مباركي وركړه او وې وئيل چې د آبادې په لحاظ د هېواد د ټولو نه د لوئې صوبې په حېث د دې په اوږګه لويې ذمه وارې راځي۔ د دې څخه وړاندې د پنجاب وزيراعلٰي عثمان بزدار د صوبائي كابينې لخوا د وزيراعظم تود هركلې وكړو او د نوي پاكستان په اړه ئې د پاكستان تحريك انصاف د اصلاحاتو او د پرمختيائي اېجنډې عملي كولو د عزم پخلې وكړو۔ عمران خان ووئيل چې بايد د پنجاب حكومت كاركردګي نورو صوبو لپاره مثالي وي۔ د كابينې غړو سره په بېلا بېلو اصلاحاتو بحث كولو سره وزيراعظم ووئيل چې په پنجاب كښې د كرپشن خاتمه تر ټولو لوي چېلنج دے۔ وزيراعظم ووئيل چې د كابينې غړي دې كرپشن په ګوته كول خپل وړومبې ترجيح جوړولو سره د كرپټ عناصرو په ضد سخته كارروائي وكړي۔ وزيراعظم په پنجاب كښې په عمومي توګه او په لاهور كښې په خاص توګه د زمكې په قبضه كولو او تجاوزاتو سخته اندېښنه وښودله۔ ده هدايت وكړو چې بايد د زمكو قبضه كوونكو او په تجاوزاتو كښې د ككړې مافياز او ډلو په ضد كارروائي وكړې شي۔ وزيراعظم د پنجاب وزيراعلٰي ته د تجاوزاتو او د زمكې قبضه كوونكو په ضد په سمدستي توګه د كارروائې كولو هدايت وكړو او په دې لړ كښې ئې د پنجاب حكومت ته له خپلې خوا د مكمل ملاتړ كولو باور وركړو۔ وزيراعظم د بچت او سادګۍ په ضرورت ټينګار كولو سره ووئيل چې د كابينې غړي دې غېر ضروري اخراجات كمولو سره نورو لپاره مثال جوړ كړي۔ ده ووئيل چې بايد مونږ سادګي او كفايت شعاري خپلولو سره په انساني پرمختګ سرمايه كاري وكړو ځكه چې پاكستان په منطقه كښې د انساني پرمختګ په اندېكس كښې په ټولو ټيټه كچه دے۔ وزيراعظم د صوبائي كابينې غړو ته ووئيل چې هغوي د اوسني حكومت د 100 ورځنې اېجنډې عملي كولو لپاره ډېره خواري وكړي چې دغسې د خلقو په سماجي او اقتصادي ژوند كښې ځانګړې بدلون په نظر راشي۔ وزيراعظم ووئيل چې هغه به پرله پسې د صوبې دوره كوي او د وړومبو 100 ورځو د اېجنډې به په خپله نګراني كوي۔ د كابينې غړو د خپلو محكمو په اړه وزيراعظم سره خيالات او تجويزونه شريك كړل۔ د دې څخه وړاندې د وزيراعلٰي سېكرټرېټ ته په رسېدو وزيراعظم سره د پنجاب وزيراعلٰي سردرا عثمان بزدار ملاقات وكړو۔ وزيراعظم عمران خان د لاهور په وزيراعلٰي سېكرټرېټ كښې يو بوټې هم نال كړو۔
