اسلام آباد 07 جنوري (اے پي پي) د اطلاعاتو او خپرونو وفاقي وزير چوهدری فواد حسېن راډيو پاكستان ملتان سټېشن څخه په بلوچۍ كښې د پروګرامونو د اجراء هركلے كولو سره وئيلي دي چې د ځائي ژبو په وده او ډاډګيرنه باور لري٬ مورنۍ او سيمه ايزې ژبې زمونږ د متنوع كلتور ښكلا ده ٬ د ځائي ژبو وده د راډيو پاكستان يو ښكلے اقدام دے۔ د ګل په ورځ راډيو پاكستان ملتان سټېشن څخه په بلوچۍ كښې د پروګرامونو د اجراء پحقله وفاقي وزير چوهدري فواد حسېن خپل پېغام كښې وئيلي دې چې د پنجاب اعلٰې وزير سردار عثمان خان بزدار به ډېر زر ياد شوې سټېشن څخه په بلوچۍ كښې د پروګرامونو د اجراء پرانسته وكړي۔ ده ووئيل بلوچي ژبه د وفاق پاكستان په زره راښكونكو رنګونو كښې يو ښكلے رنګ دے ٬ دا پروګرامونه د بلوچيانو او د بلوچۍ ژبې پوهه لرونكو لپاره د راډيو پاكستان لخوا يوه ډالۍ ده۔ ده ووئيل په قامي غېر ملكي او ځائي ژبو كښې خبرونه ٬ حالات حاضره او بېلا بېل پروګرامونه وړاندې كولو سره راډيو پاكستان د خپرونو نورو ادارو څخه ممتاز كوي
