اسلام آباد 20 جون (اے پي پي) د تجارت وفاقي وزير سيد نويد قمر ووئيل د پاكستان او برتانيه ترمېنځه موجوده دوه اړخيزه تجارت 4.4 بليونه ډالره دې چې پكښې د ډي سي ټي اېس نفاذ سره ښه اضافه متوقع ده، په پاکستاني معيشت كښې ټيکسټائل، زراعت او د مينوفيکچرنګ پشمول بېلو څانګو كښې د پراختيا ډاډګيرنه متوقع ده٬ د برتانيه حکومت لخوا د ډي سي ټي اېس سکيم پېل خوشبينه دے۔ د برتانيه حکومت لخوا د سكيم په اعلان خپل غبرګون كښې وفاقي وزير ووئيل د برتانيه حکومت لخوا د ډويلپنګ کنټريز ټريډنګ سکيم (ډي سي ټي اېس) پېل خوشبينه دې، د ډي سي ټي اېس سكيم پېل سره به د دواړو هېوادونو ترمېنځه تجارت وده وكړي۔ ده ووئيل د دې سكيم له مخې به د پاكستان نه برآمد كېدونكې 94 فيصده څيزونه تر برتانيه د ډيوټي فري رسنې اهل وي، پاکستان به د دې سكيم له مخې په برآمدي محصولاتو كښې تقريباً 120 مېليونه ډالر بچت وكړي۔ سيد نويد قمر ووئيل د سكيم مقصد پاكستان 64 نورو هېوادونو ته په ټېرف كښې كمې او تجارت د آسان شرطونو د لارې بهتر تجارتي موقعې وركول دي۔ ده ووئيل د پاکستان اېكسپورټرز ته د برتانيه په ماركيټ كښې په زيات مسابقت كښې سهولت ترلاسه شي۔ ده ووئيل دا سكيم د دواړو هېوادونو ترمېنځه اقتصادي شراكتداري لا قوي كولو پلو يو مثبت قدم دے
