اسلام آباد۔9 اګست(اے پی پی) وزيراعظم شهباز شريف وئيلي دي چې ژوندي قامونه خپل محسنان تل ياد ساتي۔ تېره ورځ په جي اېچ كيو كښې د شهيدانو او غازيانو په درناوي كښې تابيا كړې شوې دستوره كښې ګډون او خطاب ما لپاره يو درناوې وو۔ د شورؤ په ورځ په خپل ټويټ كښې وزيراعظم شهباز شريف ووئيل دا ټولې عظيمې كورنۍ د كومو عزيزانو چې زمونږ محفوظ او روښانه سباؤن لپاره خپل ځانونه قربان كړي دي د ټول قام محسنان دي٬ ژوندي قامونه خپل محسنان تل ياد ساتي۔ ده ووئيل ما په جي اېچ كيو كښې خپل خطاب كښې دا خبره په ډاګه كړې وه چې شهيدانو ته د عقيدت پېرزوينې وړاندې كولو تر ټولو غوره طريقه پاكستان په معاشي توګه مضبوط او په خپلو پښو اودرول دي۔ د دې مقصد ترلاسه كولو له اتحادي حكومت د سپېشل انویسټمنټ فېسلی ټېشن کونسل (اېس آئی اېف سی) په صورت كښې د معاشي بحالۍ منصوبو بنياد اېښودلې دې۔
