اسلام آباد۔9 اګست (اے پی پی) سېنېټ د پاکستان الېکټرانک ميډيا رېګولېټري اتھارټي (ترميمي) بل 2023 په اتفاق سره منظور كړو۔ د شورو په ورځ د سېنټ په غونډه د اطلاعاتو او خپرونو وفاقي وزيرې مريم اورنګزېب تحريك وړاندې كړو چې په پاكستان الېكټرانك مېډيا رېګولېټري اتھارټي آرډيننس 2022 كښی د لا ترميم كولو په بل پاكستان الېكټرانك ميډيا رېګولېټري اتھارټي (ترميمي) بل 2023ء دې فوري غور وكړے شي۔ د قانون او انصاف وفاقي وزير سېنېټر اعظم نذير تارړ ووئيل د بل په اړه د خبريالانو د يوې برخې تحفظات وو٬ پاتې ادارو د دې ملاتړ كړې٬ د خبريالانو يو لوى پلاوي كومو كښې چې د بېلو تنظيمونو عهدېداران شامل وو له وزيراعظم سره ملاقات وكړو۔ په دې موقعه ځينې وفاقي وزيران هم موجود وو۔ د صحافتي تنظيمونو عهدېدارانو وزيراعظم ته ووئيل چې دا بل به صحافتي ورورلۍ لپاره يو سنګ ميل ثابت شي ځكه چې دې سره د تنخاګانو او امنيتي چارو معاملې تړون لري۔ وزیراعظم هم هدايت وكړو چې دا بل دې منظورۍ لپاره ايوان ته وړاندې كړې شي۔ وفاقي وزيرې مريم اورنګزېب ووئيل په اپرېل 2022ء كښې پېمرا آرډيننس كښی د بدلون كولو عمل پېل كړې شو٬ ددې په يو شمېر شقونو كښې بدلون ضروري وو۔ دې ووئيل اے پی اېن اېس، سی پی اېن ای، پی اېف یو جے، پی بی اے او د اېمنډ په شمول ټولو ميډيا نمائندګانو په ګډه دا پراسېس پېل كړو۔ د اوږد مشاورت نه وروستو مس انفارمېشن ٬ ډس انفارمېشن دې بل كښې شامل كړې شو۔ مریم اورنګزېب ووئيل آئی ټی اېن ای په 9 مياشتو كښې 14 كروړه روپۍ ريكور كولو سره د ملازمينو تنخاګانې ادا كړې۔ دې ووئيل 3 شقونه دې بل كښې شامل كړې شول۔ 12 مياشتې په دې مشاورت وكړے شو۔ په قومي اسمبلۍ كښې 10 څخه تر 12 ورځو پاتې شو ٬ د قومي اسمبلۍ قائمه كمېټۍ د دې منظوري وركړه۔ بيا دا بل سېنېټ ته وړاندې كړې شو۔ د سېنېټ قائمه كمېټۍ كښې د پېمرا چيئرمېن د ټاكنې اختيار پارليمان ته د وركولو رايې وركړې شوه۔ وزیراعظم د دې ترميم فوري منظوري وركړه۔ دې ووئيل زما په مشرتابه تور ولګولې شو چې مونږ تور قانون رامخے ته كوؤ ٬ د رايې آزادي ختموؤ۔ بل د لوستلو نه غېر متنازعه جوړ كړې شو۔ سېنېټر فوزيه ارشد ووئيل د بل يو وارې بيا وړاندې كولو نه وړاندې اړوندو فريقو سره بايد مشاورت وكړې شي۔ سيد يوسف رضا ګېلاني ووئيل مشاورت بايد وكړے شي دغسې چې څوك بيا اعتراض ونكړي۔ سېنېټر همایوں مهمند، سېنېټر مهر تاج روغانی د بل قائمه كمېټۍ ته دلېږلو غوښتنه وكړه۔ سېنېټر کامران مائیکل او سېنېټر عرفان صدیقی د بل په سمدستي توګه د منظورولو په حاجت زور راوړو۔ د قانون وزير ووئيل د ټولو صحافتي تنظيمونو غوښتنه ده چې بل دې منظور كړې شي له دې كبله د بل د منظورۍ عمل دې پېل كړې شي۔ د چیئرمین په هدايت د اطلاعاتو وفاقي وزيرې د بل وړاندې كول تحريك پېش كړو۔ ددې له منظورېدو وروستو وفاقي وزيرې په پاکستان میډیا رېګولېټری اتھارټی آرډیننس 2002 كښې بدلونونه وړاندې كړل د كومو چې منظوري وركړې شوه او بل اتفاق سره منظور كړے شو
