راولپنڈی۔8فروری (اے پی پی):چین دی پیپلز لبریشن آرمی اتے چینی عوام ولوں پاکستان دی مسلح افواج کیتے ویکسین عطیہ کیتی ڳئی اے جیڑھی جو چین دی فوج دی طرفوں پوری دنیا اچ کہیں وی ملک دی فوج کوں ویکسین دا پہلا عطیہ اے۔ آئی ایس پی آر موجب پاک فوج ’’نیشن فرسٹ ‘‘دی روایت کوں برقرار رکھیندے ہوئیں چینی فوج ولوں عطیہ کیتی ڳئی اے ویکسین فرنٹ لائن ہیلتھ ورکرز کیتے قومی ویکسین مہم کیتے عطیہ کرݨ دا فیصلہ کیتے ،آئی ایس پی آر موجب پورے ملک اچ فرنٹ لائن تے کم کریندے ہوئیں قیمتی جاناں بچاوݨ آلا طبی عملہ اصل ہیرو اے۔ پاکستان دی مسلح افواج ولوں پیپلز لبریشن آرمی اتے چینی عوام دی طرفوں ویکسین عطیہ کرݨ تے دلوں شکریہ ادا کیتا ڳئے ۔
