فیصل آباد۔11جنوری (اے پی پی):محکمہ موسمیات آکھیے مینھ دا نواں سسٹم پاکستان اچ داخل تھی چکیے جئیں پاروں 13 جنوری جمعہ دی رات تئیں صوبہ پنجاب دے کئی ضلعیں اچ ہلکا مینھ وسدا رہ ویسی ۔ محکمہ موسمیات دے ترجمان ݙسائے جو جمعہ دی رات تئیں جیڑھے شہراں اچ مینھ وسݨ دا امکان اے انہاں اچ فیصل آباد ، جھنگ، ٹوبہ ٹیک سنگھ، چنیوٹ سودھے گجرات، منڈی بہاؤالدین، حافظ آباد، وزیرآباد، گوجرانولہ ،نارووال، سیالکوٹ،لاہور،قصور،شیخوپورہ،ننکانہ صاحب،ساہیوال،اوکاڑہ،پاکپتن، سرگودھا،خوشاب،میانوالی،سلانوالی،بھکر، کمالیہ، رجانہ، پیرمحل، شور کوٹ، چیچہ وطنی،بوریوالا،کسووال،اقبال نگر، میاں چنوں، ملتان، خانیوال،وہاڑی، لودھراں، ڈیرہ غازی خان، تونسہ، لیہ، کوٹ ادو، مظفر گڑھ، چوک منڈا،چوک اعظم، چوک سرور شہید، رنگ پور، راجن پور، بہاولپور،بہاولنگراتے رحیم یار خان شامل ہن۔انہاں آکھیے انہاں علاوقیں اچ ہلکا مینھ کݨ مݨ دا امکان اے جݙاں جو ودھ مینھ وسݨ دے زیادہ امکانات پنجاب اچ ٻدھ دی رات توں خمیس دی سویل تئیں ہن تاں جو جمعہ کوں وی مینھ وسݨ دا امکان اے ۔ݙوجھے پاسے ماہرین زراعت ایں مینھ کوں کݨک تے ٻیاں فصلاں کیتے فیدہ مند قرار ݙتے تے آکھیے جو ایندے توں کوہیڑ تے سموگ وی گھٹ تھیسی ۔
