اسلام آباد – 28 – فيبروري (اي پي پي) وزيراعظم محمد شهباز شريف چيو آهي ته وچولي ۽ گهٽ آمدني وارن خاندانن جي ٻارن کي مفت ۽ معياري تعليم جي انهن جي درن تي فراهمي جي شروعات ڪئي وئي آهي. پنهنجي ٽوئيٽ ۾ وزيراعظم محمد شهباز شريف چيو ته هن اڄ وفاقي گادي واري شهر ۽ ان جي ڀرپاسي جي لاءِ اسڪول آن ويلز جهڙي منفرد منصوبي جو افتتاح ڪيو آهي جنهن سان وچولي ۽ گهٽ آمدني وارن خاندانن جي ٻارن کي مفت ۽ معياري تعليم انهن جي گهر جي درن تي فراهم ٿيندي. وزيراعظم چيو ته تيزي سان وڌندڙ ملڪي ابادي جي چئلينجز کي منهن ڏيڻ جي لاءِ اسان کي هر شعبي ۾ اهڙن منفرد منصوبن جي ضرورت آهي، اهي موبائيل اسڪول گهٽ لاڳت تي ڪنهن به معياري اسڪول جهڙي تعليم فراهم ڪرڻ جي صلاحيت رکن ٿا. هن چيو ته ان منصوبي تحت بسن جي انگ کي جلد 8 مان وڌائي 16 ڪيو ويندو.
