اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي سالياني ترقياتي پروگرام (پي ايس ڊي پي) تحت ڪامرس ڊويزن جي 2 جاري ۽ هڪ نئين منصوبي جي لاءِ مجموعي طور تي 1100 ملين رپيا رکيا ويا آهن. جاري ڪيل سرڪاري شعبي جي ترقياتي پروگرام جي دستاويز موجب ڪامرس ڊويزن جي 2 جاري منصوبن جن ۾ ايڪسپو سينٽر پشاور ۽ ايڪسپو سينٽر ڪوئيٽا جي لاءِ 900 ملين رپيا رکيا ويا اهڙي طرح سال 24 – 2023ع جي لاءِ هڪ نئون منصوبو ايڪسپو سينٽر سيالڪوٽ جي قيام لاءِ 200 ملين رپيا رکيا ويا آهن.
