پېښور 19 اپرېل (اے پي پي) وزیراعظم عمران خان وئيلي دي د كپتان مقصد په هر حال كښې مېچ ګټل وي او دې مقصد لپاره د ضرورت له مخې ھغه د خپلې ډلې لوبغاړي او بېټنګ آرډر هم بدلوي٬ زما مقصد د پاكستان بې وزله او غريبانان راپورته كول دي او دې مقصد كښې كاميابۍ لپاره د ضرورت له مخې زه د خپلو لوبغاړو ذمه وارۍ بدلوم۔ د دې خيالاتو څرګندونه وزيراعظم د جمعې په ورځ په اوركزئۍ ضلع كښې اولسي جلسې ته خپلې وېنا كښې وكړه۔ ده په خاص توګه د خېبر پښتونخوا او پنجاب اعلٰې وزيرانو ته ووئيل چې ھغوي هم پخپلو صوبو كښې پخپلو ډلو نظر اوساتي٬۔ ده ووئيل لوي څښتن مونږ له لويې ذمه وارۍ راكړي او مونږ د دې ذمه واريو د تقاضو بايد فكر وكړو ٬ ده ووئېل چې كوم وزير پرفارمنس نه لري د ھغه په بدلولو كښې بايد د ېرې نه كار وانخلو۔ وزیر اعظم ووئيل آصف زرداري، نواز شریف او د شھباز شریف كورنيو د هېواد دولت لوټ كولو سره د اربونو اثاثې جوړې كړې ٬ زما په وړاندې هره ورځ د دوي د كرپشن قصې رامخئ ته كېږي او دوي په يره كښې دي كه عمران خان دوه كاله هم وزیراعظم پاتې شو نو دوې به په زندانونو كښې پراته وي دهووئېل د هغوي لوټ كړې پېسه به بېرته د هېواد په خزانه كښې وي او دې لپاره ھغوي د حكومت ډي رېل كولو خبرې كوي۔ ده ووئيل د پاكستان اولس په خاص توګه ځوانه طبقه اوس د هغوي په حقيقت خبر شوې او دا كرپټ عناصر به بيا اقتدار ترلاسه كېدو ته پرې نهه ږدي۔ وزیراعظم عمران نان ووئيل دا مهال هېواد د تاريخ سخت معاشي پړاٶ څخه تېږي چې اندازه ېې د دې خبرې څخه لګي چې مونږ له اوسطاً هره ورځ د قرض د سود په مد كښې شپږ نيم اربه روپۍ وركول وي او دا هر څه د پيپلز ګوند او مسلم ليګ (ن) د حكومتونو وركړه ده چا چې د هېواد قرض د شپږ زره اربه نه 30 زره اربه ته رسولې۔ عمران خان د افغانستان پحقله د خپلو خيالاتو څرګندونه كښې ووئيل زه افغان حكومت له مشوره خو نه شم وركولې ځكه چې ھغوي زما مشوره خپلو معاملو كښې لاس وهنه ګڼې خو زما دعا ده چې په افغانستان كښې امن وي ځكه چې امن سره د افغان اولس حالات ښه كېدې شي۔ ده ووئيل افغانستان كښې كه امن راشي نو هلته به د كېنسر روغتون جوړولو جاج اخلو۔ ده ووئيل د افغانستان امن نه يوازې پاكستان بلكې د ټولې منطقې امن سره تړلې دے او كه په افغانستان كښې امن راشي نو د پاكستان نه تر مېنځنۍ آسيا د تجارت او روزګار بې شمېره موقعې ترلاسه كېدې شي۔ عمران خان خپلې وېنا كښې د قبائيلي اولس د قربانيو په خاص توګه ذكر كولو سره ووئيل قبائلي اولس په هر سخت وخت كښې د پاكستان حفاظت لپاره د هر اولې ډلې كردار ترسره كړې ٬ د ترهګرۍ په ضد جنګ كښې قبائيلي اولس چې كومو ستونزو او غمونو سره مخ شوې او كوم سختو حالاتو څخه تېر شوې د دې اندازه هېڅوك نه شي لګولې ٬ ده ووئېل ځكه ضروري ده چې د قبائيلي اولس د غمونو ازاله وكړې شي او دوي ته د دې قربانيو صله وركړې شي ۔ وزيراعظم په دې موقع د پي ټي ايم هم ذكر وكړو او وئ وئيل د پي ټي ايم مطالبات جائز دي خو تګلار ئې ناسمه ده۔ ده ووئيل قبائيلي اولس ته د پوځ په ضد لمسون كول نه د پاكستان خدمت كېدې شي او نه د قبائيلي اولس مسئلې هوارېدې شي٬ مونږ له مخ په وړاندې تلل دي٬ ده ووئېل د قبائيلي ضلعو پرمختګ له حكمت عملي وضعه كول دي او دې لپاره ضرورت د دې خبرې دے چې پي ټي اېم د هوش نه كار واخلي او حكومت سره په ګډه د قبائيلي وګړو په زخمونو ملهم كېږد او د دوي د مسئلو او ستونزو په هواري كښې خپل كردار ولوبوي۔ ده ووئيل حكومت هڅې كوي چې په خېبر پښتونخوا كښې ضم شوې قبائلي ضلعې د تند رفتاره پرمختګ په لاره سمې كړي او د دې سيمو اولس د پاكستان د
