اسلام آباد 09 جون (اے پي پي﴾ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې شهباز شريف دې د قوم په وړاندې د جرات او اخلاقياتو څرګندونه وكړي او مقدمو ته دې وړاندې شي٬ بايد مخالفه ډله په پارلمان كښې د ذمه وارې څرګندونه وكړي۔ د اتوار په ورځ يو نجي ټي وي چېنل سره په خبرو كښې هغې ووئيل چې بايد مخالفه ډله په پارلمان كښې د ذمه وارې څرګندونه وكړي ځكه چې پارلمان د قوم د مسئلو حل كولو مناسب ځائ دے۔ د مسلم ليګ ﴿ن﴾ په مشرتابه تنقيد كولو سره ډاكټر فردوس عاشق اعوان ووئيل چې ګراني د پخواني وخت د كرپشن او خرابې حكمرانې نتيجه ده۔ هغې ووئيل چې د پاكستان په تاريخ كښې په وړومبي ځل بدعنوان او طاقتور عناصر انصاف سره مخ كړے شوي دي۔ خاص مرستيالې د مسلم ليګ ﴿ن﴾ د مشرانو نه غوښتنه وكړه چې لوټ كړې دولت بېرته راوړي ځكه چې دا قومي دولت دے٬ دې سره به ګراني هم كمه شي۔
