اسلام آباد 28 جون (اے پي پي) د اولس مشر ډاكټر عارف علوي او افغان جمهور ريئس اشرف غني ترمېنځه تېره ورځ يو په يو ملاقات شوې۔ د ملاقات په مهال د پاك افغان اړيكو په ټولو اړخونو غور شوې۔ ملاقات كښې دواړو مشرانو په دې خبره اتفاق وكړو چې وړاندې تګ ٬ امن ٬ سلامتيا او سوكالۍ لپاره اړيكې د دوارو هېوادونو په ګټه دي۔ اولس مشر ډاكټر عارف علوي په دې موقع د دواړو هېوادونو ترمېنځه د نزدې اړيكو ودې لپاره د پاكستان د عزم پخلې وكړو۔ ډاكټړ عارف علوي ووئيل پاكستان افغانستان سره سیاسي، تجارتي، معاشي، تعلیمي او د اولسي رابطو په بنياد د اړيكو ودې ته اهميت وركوي۔ افغانستان كښې د شخرو په سوله ايز ډول د هواري په ضرورت زور رواړلو سره اولس مشر په دې لړ كښې د افغان قيادت په مشرۍ كښې د افغانانو ترمېنځه د مذاكراتو د لارې د مسئلو د هواري اهميت په ډاګه كړو۔ ده د ستونزو او چېلنجونو باوجود په تېرو 18 كالو كښې د افغانستان د پرمختګ ستائنه وكړه۔ اولس مشر ډاكټر عارف علوي باور وركړو پاكستان د امن عمل كښې د خپل كردار لوبونو نه علاوه د بيا رغونې او په پرمختيائي هلو ځلو كښې افغانستان سره ولاړ دے۔ دواړه مشران په دې خبره سلا شول چې منطقه كښې امن او استحكام د پاكستان او افغانستان په ګټه دے۔ دواړو مشرانو په دې خبره هم اتفاق وكړٶ چې د دواړو هېوادونو ترمېنځه رابطو زياتېدو سره به نه يوازې تجارت زياتولو له مرسته ترلاسه شي بلكې د دواړو هېوادونو او د منطقې سوكالۍ لپاره به هم مرستياله وګرځي۔ د ملاقات نه پس اولس مشر ډاكتر عارف علوي خپل افغان خپل همڅنګ او د ھغه د پلاوي په درناوي كښې د ماښختن مېلمستياﺀ هم وركړ
