لاهور۔24جنوری(اے پی پی)د پنجاب وزيراعلی د اطلاعاتو خصوصي مرستيالې ډاكټر فردوس عاشق اعوان وئيلي دي دسمبر لاړو ٬ د جنورۍ آخري اونۍ روانه ده٬ ولې د اپوزيشن غړو استعفاګانې راغلې او نه لانګ مارچ وشو۔ فروري او مارچ به هم راشي او تېر به شي۔ د پي ډي اېم تحريك عدم اعتماد به هم نه راځي۔ كاغذي مزري دي۔ د سندھ شهزاده خپل چال چلولے دے۔ جعلي راجكماري هم اميد لري۔ د وينزو مخونه زيړه دي او ژبې ئې رپېږي۔ هغې ووئيل مولانا بايد د دې غېر فطري اتحاد جنازې كولو تياري وكړي۔ مولانا چې څخه كړي دي هغه خو به كېدل۔ كومو كسانو چې د كورونا په مهال د خلكو د ژوند خيال نه ساتلو هغوي د عبرت نښه جوړ شوي دي۔ هغې ووئيل د تېرو 24 ساعتو په مهال د كورونا 485 نوې كېسونه رپورټ شوي او 24 نور كسان مړه شوي دي۔ پنجاب كښې د مړو مجموعي شمېره 4561 ته رسېدلې ده۔ د تېرو 24 ساعتو په مهال د 19090 وګړو كورونا ټېسټونه وكړې شول او تر دې دمه د 2810638 وګړو کورونا ټېسټونه شوي دي
