اسلام آباد۔2نومبر(اے پی پی)پاکستان په مقبوضه فلسطین کښې په ناوړه صورتحال ژوره اندېښنه ښكاره كولو سره وئيلي دي چې د اسرائیلو پرله پسې او ناترڅه ه بمباریو، د غزې غیر انساني محاصرې او د کډوالو د کېمپونو پشمول د شهري هدفونو ٬ روغتونونو او د استوګنې ودانيو په قصد سره په نخښه كولو يو د نه منلو وړ بشري وضعیت رامنځته کړے دے۔ د خارجه دفتر وياندې ممتاز زهرا بلوچ د زيارت په ورځ بريفنګ كښې ووئيل د تېرو 3 اونيو څخه د فلسطيني وګړو د عامې وژنې پېښې روانې دي په كومو كښې چې تر دې دمه 8 زره څخه زيات وګړي وژلې شوي دي چې پكښې 70 فيصده مېرمنې او ماشومان دي۔ دا جنګي جرمونه قابض اسرائيلي ځواكونه بشپړه استثنی سره كوي ولې چې نړيواله ورورولي د فلسطيني اولس هيلې ترسره كولو كښې ناكامه شوې ده۔ دې ووئيل تېره ورځ سېنېټ آف پاكستان د پاكستاني اولس د جذباتو ترجماني وكړه او په مقبوضه غزه كښې يۍ د خلقو په ضد د اسرائيل د روانو ناوړه جرمونو سخته غندنه وكړه۔ سېنېټ فلسطيني اولس سره د يو والي څرګندونه او ملاتړ پخلې هم وكړو۔ وياندې ووئيل مونږ نړيوالې ورورولۍ څخه غوښتنه كوؤ چې هغه په مقبوضه فلسطين كښې د روانو ظلمونو ختمولو له خپل كردار ترسره كړي۔ د ملګرو ملتونو د عمومي اسمبلۍ د تېرې اونۍ قرارداد د فلسطین په صورتحال د زياتېدونكې نړيوالې اتفاق رايې عكاسي كوي۔ دې ووئيل هيله ده چې دا به په غزه كښې د عامې وژنې زر تر زره ختمېدو سبب وګرځي۔ دې ووئيل د ملګري ملتونو سلامي كونسل دې د امن په ځايې كولو كښې خپله ذمه واري ترسره كري۔ دې ووئيل ملګري ملتونه دې د محاصرې ختمولو ٬ د وګړو د حفاظت او د غزه محصور اولس ته د سامان پرله پسې رسولو له د بشري خواخوږۍ په راهدارۍ كښې د آسانيو رامخې ته كولو غوښتنه وكړي
