اسلام آباد 02 جولائي (اے پي پي) د سېنېټ چيئرمېن سيد يوسف رضا ګېلاني د كاناډا په قامي ورځ د كاناډا اولس٬ پارلمان او حكومت له مباركي وركړې ده۔ د ګل په ورځ خپل د مباركۍ پېغام كښې ده ووئيل د دواړو هېوادونو ترمېنځه د شريك احترام، اعتماد او مرستې په زړه پورې اړيكې دي٬ ده په نړيوال امن٬ استحكام او د پرمختګ په څانګو كښې د كاناډا د هلو ځلو او د بشري حقونو، جمهوريت او د نړيوال امن او اسلامتيا ودې لپاره يۍ د كاناډا د عزم ستائنه وكړه۔ ده د دې هيلې څرګندونه وكړه چې دواړه هېوادونه به د نړيوالو چېلنجونو مخنيوي او د جمهوريت٬ مساوات او انصاف مشتركه اقدارو ته وده وركولو لپاره په ګډه كار كوي۔ ده د دې خاص ورځې په موقع د كاناډا سياسي او پارلماني مشرانو لپاره هم د نېكو هيلو څرګندونه وكړه
