اسلام آباد۔27جون (اے پی پی) وزیراعظم عمران خان آکھیا جو روشن ڈیجیٹل اکاؤنٹ ٻیا سنگ میل پار کر ڳھدے، جمع کرائی ڳئی رقم ݙیݙھ ارب ڈالر توں ودھ ڳئن۔ اتوار کوں آپݨے ہک ٹویٹ اچ انہاں آکھیا جو سٹیٹ بینک توں خوشخبری اے جو روشن ڈیجیٹل اکاؤنٹ ٻیا سنگ میل پار کر ڳھدے۔جمعہ کوں روشن ڈیجیٹل اکاؤنٹ اچ جمع کرائی ڳئی رقم ݙیݙھ ارب ڈالر توں ودھ ڳئی اے۔ وزیراعظم آپݨے ٹویٹ اچ روشن ڈیجیٹل اکاؤنٹ جمع کرائی ڳئی ماہانہ تفصیلات وی شیئر کیتی جئیں مطابق روشن ڈیجیٹل اکاؤنٹ اچ ستمبر 2020اچ 6 ملین ڈالر اکتوبر اچ 42ملین ڈالر،نومبر اچ 110ملین ڈالر،دسمبر اچ 250 ملین ڈالر،جنوری 2021 اچ 418 ملین ڈالر،فروری اچ 594 ملین ڈالر،مارچ اچ 806 ملین ڈالر،اپریل اچ1055 ملین ڈالر،مئی اچ 1261 ملین ڈالر اتے 25جون تئیں 1503 ملین ڈالر تھی ڳئن۔
