اسلام آباد۔30مئی (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف 31 مئی توں 2 جون ترکی دا دورہ کریسن۔ اے دورہ پاکستان دے روایتی بااعتماد دوستاں اتے برادر ملکاں نال ݙو پاسہ تعلقات ودھاوݨ دی ہک کڑی اے۔ سنوار کوں آپݨے ٹویٹ اچ انہاں آکھیا جو اے دورہ ݙوہیں ملکاں وچال تعلقات دے ودھارے دے علاوہ سرمایہ کاری، تجارت، صحت، تعلیم، ثقافت اتے آپسی فائدے دے ٻئے شعبیاں اچ تعاون بارے ٻہوں اہم اے۔ انہاں آکھیا جو پاک ترکی بزنس کونسل دا اجلاس، ترک سرمایہ کاراں اتے تاجراں نال ملاقاتاں تھیسن۔ وفاقی وزیر اطلاعات آکھیا جو وزیراعظم دورے دے دوران مصطفیٰ کمال اتاترک دے مزار تے حاضری ݙیسن۔ ترک صدر رجب طیب اردوان دے رَلے وزیراعظم ترکی اتے پاکستان دے سفارتی تعلقات دے 75 سال پورے تھیوݨ دے موقع تے یادگاری نشان جاری کریسن۔ صدر اردوان وزیراعظم دے اعزاز اچ عشائیہ وی ݙیسن۔
.jpg)
.jpg)
