اسلام آباد۔29جون (اے پی پی):وفاقی وزیر برائے موسمیاتی تبدیلی سینیٹر شیری رحمان قوم کوں آکھیے جو او عیدالاضحیٰ تے صفائی، صحت و ماحولیاتی ذمہ داری دی ریت ودھاوے۔ اپݨے سنیہے اچ انہاں عید الاضحیٰ دی مبارک فیندے آکھیے جو اڄ دے مبارک ݙینھ اپیل کریندی آں جو کھلے دل، ہمدردی، ہم آہنگی اتے ماحولیاتی ذمہ داری دے جذبے کوں ابھاریا ونڄے، ایں سال عید توں پہلے ملک اچ پری مون سون بارشوں جاری ہین، ایں سانڳے کئی چھوٹے وݙے شہراں اچ پاݨی کھڑے، ساݙا نکاسی آب دا نظام پہلے ہی بارشاں پاروں کمزور اے، شہری قربانی صرف مخصوص اتے مختص ڄاہیں تے کرن، آلائشاں طریقے نال ٹھکانے لاون اتے گلی محلیاں اچ صفائی ستھرائی دا خیال رکھین تاں جو ماحول کوں صاف رکھݨ اتے بیماریاں کھنݙݨ توں بچیا ونڄ سڳیے۔
