اسلام آباد۔9جون (اے پی پی):صدر مملکت ڈاکٹرعارف علوی ای کامرس دی اہمیت کوں اجاگر کریندے ہوئیں آکھیے جو پاکستان دی ایمازون سیلرز دی فہرست اچ شمولیت نال ملکی برآمدات کوں ودھارا تھیسی اتے نینگر انٹرپرینیورز کیتے ملازمتاں دے مواقع پیدا تھیسن ایندے نال چھوٹے تے درمیانے درجہ دے کاروباری اداریں دی بین الاقوامی مارکیٹ تئیں رسائی اچ ودھارا تھیسی ،عالمی مارکیٹ اچ مسابقتی برتری کیتے مصنوعات دی ویلیوایڈیشن تے توجہ ݙیوݨ دی لوڑھ اے ۔ اے ڳال انہاں ٻدھ کوں بریفنگ اجلاس دی صدارت کریندے ہوئیں آکھی اے ۔ چیف ایگزیکٹو آفیسر انابلرز ثاقب اظہر پاکستان دی ایمازون سیلرز فہرست اچ شمولیت دے تناظر اچ ابھردے ہوئے موقع متعلق بریفنگ ݙتی۔ اجلاس اچ چیف ایگزیکٹو آفیسر انابلرز ثاقب اظہر، چیئرمین نیوٹیک سید جاوید حسن، سینئر جوائنٹ سیکرٹری وزارت تجارت عائشہ حمیرا موریانی، مختلف ای کامرس اداریں دے سینئر ممبران، ایف بی آڑ، اسٹیٹ بینک دے نمائندیں دے اعلیٰ سرکاری حکام شرکت کیتی۔
