کوئٹہ۔16ستمبر(اے پی پی)وفاقی وزیر ریلوے خواجہ سعد رفیق آکھیے جو بلوچستان اچ اڄوکے سیلاب اتے ابرشاں نال ریلوے دا وݙا ضیان تھئے، معطل ریلوے روٹس بحال کرݨ لو سارے وسائل لیسوں، اے ڳالھ انہاں کوئٹہ اچ پریس کانفرنس کریندے آکھی۔ انہاں آکھیا جو چھل تے بارشاں ریلوے نیٹ ورک کوں خراب کیتے، ڈیرہ اللہ یار توں جیکب آباد تئیں 11 کلومیٹرز ریلوے ٹریک پاݨی ہیٹھ اے، کوئٹہ تفتان ریل ٹریک 104 ڄاہیں توں م متاثر اے جیکوں 30 ستمبر تئیں بحال کرݙیسوں، متاثرہ علاقیاں اچ پاݨی ݙھاندے ہی ریلوے پٹڑیاں دی مرمت شروع تھی ویسی، ایف سی، این ایل سی اتے پاک فوج دے ڳانݙھے نال متاثرہ ریلوے پٹڑیاں دی بحالی سانڳے سارےو سائل لاعی ویندے پن، کوئٹہ ریلوے اسٹیشن دی اپ گریڈیشن ترجیح اے، گوادر اچ وی ریلوے آفس ٻݨدا پئے۔ انہاں آکھیا جو ریلوے نقصان دا جائزہ ڳھندے پئے ہیں، ݙینھ رات ہک کرتے ریلوے ٹریک بحال کریسوں اتے لوکاں کوں سفری سہولت ملݨ لڳ ویسی۔
