لاہور ۔17جون (اے پی پی):وزیر اعظم محمد شہباز شریف آکھیے ملکی ترقی دے سفر کوں روکنے آلیں کوں قوم کݙاہیں معاف نہ کریسی ، گزریل حکومت دے چار سالہ تاریک دور اچ لاہور توں دانستہ طور تےبدلہ ڳھدا ڳئے،بین الاقوامی کمپنیاں کوں خوامخواہ ہراساں کیتا ڳئے ،کمپنیاں کوں تباہ کرتے سیاسی بھرتیاں نال اداریں کوں تباہ کیتا ڳئے ،وزیر اعظم آفس دے میڈیا ونگ توں جاری بیان موجب ہفتے کوں وزیراعظم محمد شہباز شریف نال ترکیہ دی معروف کمپنی البئراک گروپ دے صدر احمد البئراک وفد دے رلے ملاقات کیتی۔ایں موقع تے وزیر اعظم آکھیے البئراک لاہور اچ سالڈ ویسٹ مینجمنٹ اتے پبلک ٹرانسپورٹ اچ خدمات سر انجام ݙتن۔ انہاں آکھیے آپݨے گزریل دور اچ اساں لاہور دے رہݨ آلیں کوں بین الاقوامی معیار دیاں سہولتاں ݙتیاں ،لاہور اچ بین الاقوامی سرمایہ کاری توں جدید سفری سہولتاں، سالڈ ویسٹ مینجمنٹ اتے روزگار دے موقع پیدا کیتے،البئراک گروپ دے وفد پاکستان اچ ٻئے شعبیں اچ وی سرمایہ کاری اچ گہری دلچسپی دا اظہارکیتے۔ملاقات اچ وزیراعظم دے مشیر احد چیمہ، مسلم لیگ ن دے سینئیر رہنما خواجہ حسان، ترک البئراک گروپ دے صدر توں علاوہ کمپنی بورڈ ممبرز اتے متعلقہ اعلی حکام شرکت کیتی۔وزیرِ اعظم دے اڄوکے دورہ ترکیہ دے دوران البئراک گروپ وزیرِ اعظم کوں پاکستان اچ مختلف شعبیں اچ سرمایہ کاری اچ دلچسپی اتے وختی پاکستان دے دورے بارے ݙسایا ہئی۔
