اسلام آباد۔21جنوری (اے پی پی) محکمہ موسمیات آکھیا جو آندے کجھ ݙینھ پنجاب، خیبرپختونخوا اتے اُتلے سندھ دے میدانی علاقیاں اتے اسلام آباد شدید کوہیڑ دی ولھیٹ اچ رہسن۔ شدید کوہیڑ پاروں پنجاب دے کئی علاقیاں اچ ݙینھ دا درجہ حرارت معمول توں ڳھٹ رہسی۔ محکمہ موسمیات موجب کل سنوار کوں ملک دے کئی علاقیاں اچ موسم ٹھڈ اتے رُکھا رہسی۔ آݙت وار کوں ریکارڈ کیتے ڳئے ڳھٹ توں ڳھٹ درجہ حرارت موجب : لہہ منفی 12 ، اسکردومنفی09 ، گلگت ، استور، کالام منفی 06 اتے سری نگر اچ منفی 05 ڈگری سینٹی گریڈ ریکارڈ کیتا ڳئیا۔
