اسلام آباد – 06 سيپٽمبر (اي پي پي) وزيراعظم عمران خان ٽيڪسٽائيل ۽ گارمينٽس جي شعبي سان واڳيل ڪاروباري شخصيتن کي خاطري ڪرائي آهي ته ان شعبي جي ترقي جي لاءِ حڪومت هر ممڪن قدم کڻندي، ڪپڙن جي تياري ۽ روانگي واپار جي شعبي جي ترقي سان نه رڳو روزگار جا وسيع موقعا ميسر ايندا پر آمدني واپار ۽ روانگي واپار جي وچ ۾ فرق گهٽ ڪرڻ ۾ پڻ مدد ملندي. هن اها ڳالهه ٽيڪسٽائيل ۽ گارمينٽس جي شعبي سان تعلق رکندڙ ناليواري ڪاروباري شخصيتن جي وفد سان ملاقات دوران ڳالهائيندي چئي.
