اسلام آباد۔ 15 مئی (اے پی پی) د كورنيو چارو دوهم وزير طلال چوهدري وئيلي دي د شناختي كارډونو او ووټرانو فهرستونو په جوړولو كښې نادرا اولس سره اساني كوي۔ د ګوتې نښې په تصديق زياتې روپې مصرف كېږي۔ په فيس كښې شوې اضافه بېرته اخستل ممكن نه دي۔ د نهې په ورځ د سېنېټ غونډه كښې د سناتور اعظم سواتي د پام ګرځونې نوټس په ځواب كښې ده ووئيل د تېرو ټاكنو څخه وروستو د ګوتو تصديق لپاره 24 حلقې ټاكلې شوې وې ولې دې كښې هم 32 څخه تر 33 فيصده تصديق شوې وو۔ ده ووئيل د ګوتې نښې تصديق كول يو ګران كار دے۔ په شناختی کارډز او د ووټرانو فهرستونو په تيارۍ كښې نادرا اولس سره آساني كوي او په الېكشن د مصرف كمولو له وړاندې څخه كار روان دے۔ ده ووئيل نادرا ته چې د ګوتو تصديق له څومره روپې وركړې شوې د هغې يو په دوه نادرا د خپل اړخه مصرف كړې له دې كبله د ګوتې نښې تصديق له فيس كښې اضافه شوې كومه چې بايد په ځائې وساتلې شي۔
