اسلام آباد 31 مئي (اے پي پي) د توان وزارت وئيلي دي چې د تاپي ګاز پائپ لائن پروژې څخه به تر كال 2020 په پاكستان كښې د ګاز وركړې عمل پېل شي٬ د مسلم ليګ ﴿ن﴾ د حكومت په دور كښې د تېلو او ګاز 116 نوې پانګې موندل شوې دي۔ د توان وزارت ذريعو له مخې د تېرو پنځو كلونو په مهال د توان په مجموعي مصرف كښې تر كال 2018م 28 فيصده اضافه شوې۔ تېل لټولو لپاره 46 نوې لائسنسونه جاري كړې شول۔ 116 نوي ځايونه وموندل شول كوم چې يو ريكارډ دے۔ دې سره د 35 زره بېرل تېلو اضافه وشوه او يو ورځنې پېداوار 1 لك بېرل ته ورسېد۔ 9 سوه ملينه مكعب فټه ګاز نظام كښې شامل كړې شو۔ د 5 كلونو په مهال څومره ګاز د زمكې نه راويستلو سره استعمال كړې شو هم دومره نوې موندل شوې او نن هم دومره مقدار د ريزرو په توګه موجود دے۔ د ګاز 445 نوي كوهيان وويستل شول۔ په 221 كښې د ګاز لټون كامياب وو۔ د كاميابۍ شرح 50 فيصده وه او دا لويه كاميابي ده
