اسلام آباد ۔ 30جولائی (اے پی پی) د اسلامي جمهوريه ایران سفیر مهدی هنر دوست په ټول ټاكنو كښې په بريا د پي ټي آئي چيئرمېن عمران خان له مباركي وركړې ده ۔ د پاكستان تحريك انصاف مركزي ميډيا ډائرېكټورېټ څخه جاري شوي بيان ترمخه د پي ټي آئي چيئرمېن په نوم د مباركۍ خپل پېغام كښې ايراني سفير وئيلي د پاكستان اولس په ټولټاكنو كښې په لويه كچه برخه اخستو سره نه يوازې جمهوري ستنې مضبوطې كړي بلكې د هېواد پرمختګ او سوكالۍ لپاره ئې د خپلو نمائندګانو د ټاكلو حق هم پكار راوست ۔ ایرانی سفیر ووئيل زمونږ هېواد پاكستان كښې نوي حكومت سره په ټولو څانګو كښې اړيكو ته وده وركولو او لا پراخا كولو له چمتو دے۔ ایرانی سفیر خپل پېغام كښې د پي ټي آئي چيئرمېن ٬ تحريك انصاف او د پاكستاني اولس ښېګړې او پرمختګ لپاره د نېكو هيلو څرګندونه وكړه۔
