ټوكيو 14 اګست (اے پي پي) په جاپان كښې د پاكستان د آزادې ورځ په روايتي جوش او ملي جذبه ولمانځل شوه۔ په دې لړ كښې په جاپان كښې د پاكستان په سفارت كښې دستوره وشوه چې پكښې د سفارت عملې او د پاكستانې ټولنې غړو په لويه شمېره ګډون وكړو۔ په دې موقع د پاكستان سفير اسد اېم خان د سفارت په ودانې د پاكستان بېرغ هسك كړو او د آزادې ورځې په اړه ئې د اولس مشر او وزيراعظم پېغامونه ولوستل۔ دستورې ته په خپله وېنا كښې د پاكستان سفير د آزادې ورځې په اهميت او د پاكستان د تحريك په هڅو رڼا واچوله۔
