نوښار 03 نومبر(اے پي پي)د مذهبي چارو وفاقي وزير علامه نورالحق قادري وئېلي دي چې د مولانا سميع الحق شهادت نه يوازې پاكستان بلكې اسلامي امت لپاره لويه پیښه ده۔اسلامي امت د يو لويې استاد٬سياسي مشر٬مدرس او د ليكوال څخه محروم شوې۔ده ده تعليمات به سياسي او ديني حلقو لپاره تل د لارې مشال وي۔د پاكستان داسې كوم سياسي او ديني تحريك نه دې پاتې شوې چې پكښې مولانا سميع الحق موثره كردار نه وي ترسره كړې۔د مولانا سميع الحق زوي مولانا حامد الحق سره د غمرازۍ كولو نه پس مېډيا سره په خبرو كښې نورالحق قادري ووئيل چې مولانا د ختم نبوت او د ناموس رسالت(ص)رښتينې داعي و٬د حديث استاد و٬دې منطقې او په خاص توګه په افغانستان كښې امن لپاره به د ده عملي كردار او هڅې ساتلې شي او تل به د ده كمې محسوس كولې شي۔وفاقي وزير ووئيل چې د پاكستان تحريك انصاف حكومت به د دې لويې پېښې د هر اړخ تحقيقات كوي او د قتل تورن به انجام ته رسولې شي۔ده ووئيل چې مولانا سميع الحق د يو تحريك نوم دې۔ده ووئيل چې مولانا سميع الحق تل د حق او رښتيا ملګرتيا كړې او د ده د سلګونو كتابونو نه د دې معلومات ترلاسه كېږي۔مولانا سميع الحق د قرآن او حديث چې كوم تفسيرونه ليكلي دي خپل علم يې خپلو زده كونكو ته رسولې د دې مثال نشته۔ده دعا وكړه چې لوے څښتن دې ارواښاد له د خپل رحم په پلو كښې ځاې او غم جنې كورنۍ له د زغم توفيق وركړي
